ليش محتواي ما بيوصل؟ كيف أنتشر وأوصل للناس الصح
أغلب الوقت المحتوى ما بيوصل لأنه موجّه للكل، فما حدا بيتفاعل معه بعمق، والخوارزمية بتوصّل المحتوى للي بيتفاعل معه. الحل مش إنك تنشر أكتر، الحل إنك تعرف لمين عم تحكي وشو بدك منه. عويص ميديا استشارات محتوى وانتشار، مش وكالة: منحلّل ومنشخّص حسابك ومنحطلك الاستراتيجية، وإنت أو فريقك بتنفّذوا.
آخر تحديث:
كيف بيوصف الناس هالمشكلة
- «ليش ما عم يجيني مشاهدات؟»
- «المشاهدات وقفت فجأة»
- «ليه الريلز مش بتجيب مشاهدات؟»
- «شنو سبب قلة المشاهدات؟»
- «بنشر كل يوم وما في وصول»
أخطاء شائعة
- تنشر أكتر على أمل إن الكمية بتعوّض غياب الاتجاه.
- تلحق كل ترند حتى لو ما إلو علاقة بمجالك.
- تغيّر التصميم وأوقات النشر وتترك الرسالة متل ما هي.
- جودة الإنتاج مش هي المشكلة: كاميرا أحسن ما بتصلّح رسالة مش واضحة.
- تحكم على الحساب من عدد المشاهدات بس، بدون ما تشوف مين اللي عم يشوف.
آدم موسيري، رئيس إنستغرام، قال إن أهم تلات إشارات بترتيب المحتوى هي وقت المشاهدة واللايكات والإرسال (لما حدا يبعت الفيديو لغيره)، وإن الإرسال أهم بشوي لوصول المحتوى لناس مش متابعينك.
كيف منشتغل عليها بـمنهجية عويص
- 1
التشخيص
منشوف وين الوصول واقف بالضبط: بأول ثواني الفيديو، بالرسالة، ولا بالشريحة.
- 2
الشريحة
منحدد مين لازم يشوف محتواك، حتى يوصل للي بيتفاعل معه بجد.
- 4
الرسالة والهوك
منبني افتتاح بيوقّف الشريحة الصح بدل ما يحاول يوقّف الكل.
- 5
القياس والتعديل
منقرأ الأرقام بعد النشر ومنعدّل حسبها، مش حسب الإحساس.
لمين هالصفحة؟
- صانع محتوى بينشر بانتظام وما في نمو حقيقي.
- صاحب مشروع حسابه واقف من شهور.
- مختص بدو يوصل لناس مهتمين بتخصصه، مش لأي حدا.
- حساب كان ماشي منيح ووقف فجأة.
كيف منساعدك
الاستشارة: تحليل وتشخيص وتقرير مكتوب، وفريقك بينفّذ
تفاصيل الاستشارةالإشراف والتنفيذ: خدمة إضافية بعد الاستراتيجية، شركاء تنفيذ بيشتغلوا تحت إشراف محمد عويص المباشر
الإشراف والتنفيذالورش والدورات: إذا بدك تتعلّم وتنفّذ بنفسك
اختار مسارك
منشتغل مع ناس من 16 دولة: قطر، السعودية، الإمارات، الكويت، البحرين، عُمان، العراق، سوريا، لبنان، الأردن، مصر، تركيا، ألمانيا، بريطانيا، الولايات المتحدة، وكندا. وين منشتغل
أسئلة عن هالمشكلة
هل المشكلة بالخوارزمية؟
نادرًا. الخوارزمية بتوصّل المحتوى للناس اللي بيتفاعلوا معه. إذا ما في تفاعل حقيقي، المشكلة غالبًا بالرسالة أو بالشريحة.
إذا نشرت أكتر بيزيد الوصول؟
مش بالضرورة. فيديو واحد مدروس بيعمل أكتر من عشرة فيديوهات عادية.
لازم أدفع إعلانات حتى أوصل؟
لا. الإعلان بيصير داعم لما يكون عندك محتوى عضوي بيوصل للشريحة الصح، مش بديل عنه.
بتنفع الاستشارة لحساب صغير؟
أكيد. عدد المتابعين مش هو اللي بيحدد انتشار الفيديو، الرسالة والشريحة هنّي اللي بيحددوه.
إنتو وكالة؟
لا. عويص ميديا استشارات محتوى وانتشار، مش وكالة تسويق أو إنتاج: منحلّل ومنشخّص حسابك ومنحط الاستراتيجية، وفريقك أو وكالتك بينفّذوا على أساسها.